Mga prends, musta na kayo diyan. Eto tapos na kandiritan at balik na ulit tayo sa munting bahay kubo. Kaya ayan balik sa gawaing bahay.. ay naku wish ko lang talaga may Inday ako dito na magmamagic at magwawagwag ng kayang walis.

Eh maiba naman tayo balik tayo sa pasyalan blues ko. Naku ang kulit ko talaga, akala ko di na ako makakabalik nang buhay dito sa min. Pano ba naman sa kakulitan ko eh eto nangyari.

  • Habang tinitingnan namin yung simbahan eh naisip ni Pilosopo Tasyo na mag join na lang kami sa tour, alas dos raw, nakapaskel.

Pilosopo Tasyo: Pokwang, gusto mo bang join sa tour? Eh di malalaman mo kung bakit ganyan itsura niyan.

Pokwang: Ah talaga? San naman bibili ng ticket? Sige ok yan. (medyo gusto raw maging cultured kuno pero sa totoo lang eh gusto na sugudin mga shops – sale pa naman)

Pilosopo Tasyo: Tingnan natin, sa likod siguro

  • Sa kabilang entrance eh may nakapaskel, sorry for the inconvenience ek ek. kung gusto raw bumili ng ticket eh umakyat sa hagdan. Eh di eto pinansin ni Pilosopo Tasyo sabi niya.

Pilosopo Tasyo: Pambihira, san na yung tanungan dito, bakit sarado?

Pokwang: Anong sarado, ayan nga panik raw sa hagdan, don ang info.

Pilosopo Tasyo: Ah ganon, eh di sige bumili ka ng ticket ha (pang asar na tono.. )

Pokwang: (ah ganon ha) Talaga! (pang asar na tono sabay walk out, mapakita nga dito na tama ako)

  • makaraan 10 segundo

Pokwang: Tasyo, pengeng pera di ko pala dala pitaka ko. (oops medyo pahiya ako dito ah, walkout kuno wala naman palang pera)

  • Eto na po, umpisa na ng adbentyur ni Pokwang. Napansin ko lang eh ang hagdan parang walang katapusan – . Ang sikip .. paikot ng paikot, asan ang tuktok nito?

Pokwang: (waaaa, di na ba natapos to??, kala ko panik lang sa hagdan, eh yun pla stairway to hell heaven!!! -di bale inisip ko lang basta makabili na nga ng ticket)

  • Finally natapos na rin ang walang katapusang hagdanan, nakita ko na ang kahero.

Pokwang: (hingal hingal sabay punas ng pawis, face towel from pinas – tumatagaktak kasi pawis) Mama, pabili ng ticket para sa tour 2 tao.

Mamang Kampañero: Huh??? Anong tour sinasabi mo? Para sa tuktok ng simbahan to. Doon ka lang sa guide sa baba magbayad pag alas dos na. ( sobrang pigil si mamang kampañero sa tawa)

Pokwang: Ah sige ho (nanginginig na tuhog – napatingin sa paligid eto nakita niya)

  • You’ve made it – 274, just 56 more steps! Eh nga pala di ko nasabi sa inyo, takot ako sa heights. As in, di nga ako sumasakay ng ferris wheel or roller coaster, kahit nga sa swing or seesaw man lang. Medyo muntik na akong mag faint dito nung na realized ko to.

Pokwang: (isip isip . naku dilemma to, kung papanik pa ako eh pano kaya ako bababa? at tska nasan na si Pilosopo Tasyo, eh kung sumilip kaya ako sa bintana, takot naman ako -sabay nginig nang tuhog)

  • Tamang tama naman habang nagmu-muni ako dito eh biglang may isang grupo ng turista. Pababa na. Naisip ko sali na rin ako sa kanila kasi at least di ako mag isa bababa 274 steps rin yon at paikot ikot. Naisip ko at least may babagsakan ako pag nanghina tuhod ko..
  • Matapos ang mala forever eh nakabalik rin ak sa lupa .

Pilosopo Tasyo: Aber, asan ang ticket?

Pokwang: (pasimple lang kahit nangi-nginig na tuhog at super cool) Ah sabi ng mama eh sa guide na lang daw bumili.

Ahahay, moral of the story? Wala lang, wag maging makulit…