Ay naku, gustuhin ko man o hindi eh tapos na ang bakasyon ko! Balik na naman sa trabaho. Ang bilis rin ng anim na linggo, kala ko ang haba non, kasi ang dami ko pa namang plano. Eto tingnan niyo kung ano ang mga pinlano ko

Plano No. 1 – eh gusto ko sanang maging fit, mag sports ba everyday. Ano result naku tumaba pa ako ng 2 kilo! pambihira.

Plano No. 2 – gusto ko sana tapusin yung mga libro na pinahiram ng colleagues ko . ayon naalikabukan lang sila pero naman dami ko na naka chat na kaibigan sa YM ha, kasi sa time difference at dahil sa work di ko sila nakikita. Ayan tsikahan sa brunei, dubai, us, netherlands, pinas, new zealand atbp.

Plano No. 3 – wish ko lang eh maligpit ko mga kalat ko . mga kabutingtingan na wala namang halaga kundi maging kalat lang, kaso naman daming sale dito kaya ayan nadagdagan pa sila lalo. pag nakita yan ni pilosopo tasyo eh patay tayo diyan, masesermonan na naman ako, kasi sabi ni Tasyo eh sa bawat bili ko daw ng bago kahit ano pa man yon eh dapat magtapon rin ako or mag donate. Sabi naman sa inyo wise talaga to si Tasyo – correct naman siya di ba? Kaso naman ako eto super hoarding! Sabi nga ni Tasyo eh nag-aantay daw ako ng World War 3 pag nakikita niya ang cupboards namin. Pwede raw kami mabuhay ng 1 year.. hmp,. pilosopo talaga!

Plano No. 4 – mag general cleaning to the max, nakupo! ala ring nangyari kasi naman lagi ako telebabad or tv or kakabutingting ko ng mga kalat ko eh nakita ko mga old letters, super basa ako parang nobela (kaya pala di ko nabasa mga books ko!) at nakita ko old pictures. Pambihira! dapat talaga ginawa ko yung Plano no. 1 ko, kasi naman shockers – nakita ko figure ko dati (asa pa figure!)- na depressed me kaya snack time muna.

Eh di bale na nga since pasukan na at back to work na ulit, gawa na lang ako bagong mga plano. Wish ko talaga matupad naman sila.